OSMANLICAŞünūn-ı mühimme
Leyle-i Kadr Ālāy-ı Vālāsı
Bu gece leyle-i kadir olmak hasebiyle zāt-ı şāhāne bugün sekvedli yatıyla Topkapı saray-ı hümāyūnuna gelecek ve mezkūr-ı sarāyda etdikden sonra Ayasofya cāmiʿ-i şerīfine ʿazīmetle yatsı namāzını baʿde’l-edā ʿaynı tarīkiyle saray-ı hümāyūnuna ʿavdet buyuracaklardır.
Sekvedli yatının ʿazīmet ve ʿavdeti esnāsında dımışk, feşān-ı rehber-i seyf-i semek istimbotları vazīfe-i inzibātı īfā edeceklerdir.
Boyana nehri – Karadağla Müzakerāt
İşkodrada tathīri elzem olan (Boyana) nehri hakkındaki müzākerātın ( Reji Jeteral ) kumpanyasıyla devām etmekde olduğu ve henūz bir netīce-i katʿiyyeye ikzān edemediği aldığımız maʿlūmāt-ı mevsūkadan anlaşılmışdır.
İşkodra gölünde ʿosmānlı sancağını hāmil istinbotların seyr ü sefīri hakkında dahi tedābīr-i ceddiyyenin icrāsını ümīd eyleriz.
Bu meselede ʿOsmānlı kābinesi Karadağ hükūmetinin şāyān-ı kabūl görülecek ihtārātını hüsn-i telakkī ederse bi’t-tabiʿ tarafeynin menāfiʿ-i iktisādiyyesini teʾmīn etmiş olacağı şüphesizdir. Çünkü o sāyede İşkodra vilāyetinin hem terakkī ticāreti hem esbāb-ı maʿmūriyyeti muhāfaza edimiş olur.
Yunanistan iʾtilāf-ı müsellete dāhil olacakmış
Yunanistanın kuvā-yı beriyye ve bahriyyesini bi’t-tanzīm iʾtilāf-ı müsellete dāhil olacağı ve Girid meselesi hakkındaki mukarrerā-ı ahīre-i düvelliyenin hükūmet-i yunaniyyenin bu fikriyle hāʾiz-i münāsebet olduğu amirliptos gazetesine Atinadan vārid olan bir telgrāfnāmede eşʿār ediliyor.
Meclis-i vükelā müzākerātı
1 – ʿOsmānlı nümūne-i terakkī zirāʿat-ı anonim şirketi nāmıyla bir şirket teşkīline ruhsat-ı itāsı.
2 – Vāridāt-ı belediyyenin tezyīdi için münāsebet bir belediye vergisi ihdāsı zannında bir lāyiha-ı kānūniyyenin tanzīmi
3 – Jandarmanın kadrosu dāhilinde ikmāline ʿāʾid muʿāmelenin īfāsı hakkında müzākerāt-ı cereyān ve mukarrerāt-ı ittihāz edilmişdir.
Meclis-i vükelāda bulunamayanlar
Dünkü meclis-i vükelāda şeyhü’l-islām efendi ile maʿārif nāzırı beğ hāzır bulunmamışlardır şeyhü’l-islām efendinin miʿdelerinden rāhatsız bulundukları mesmūʿumuz olmuşdur.
Trablusgarb havādisleri
Roma 16 eylül – Jurnal Ditalinin beyānātına göre hükūmet baʿzı İtalya gazetelerinin neşriyātına karşı īzāhāt vermeyecekdir. Çünkü hükūmet trablusda ancak hukūk-ı iktisādiyyesini teʾmīn vesāʾilinden başka bir mesele ile iştigāl etmiyor. Hükūmetin Trablusda işgāl-i arāzī fikrinde olmadığı katiʿyen maʿlūmdur.
Teribona gazetesi Türkiye matbūʿātının telāşlı ve heyecān-āver neşriyātına karşı iltizām-ı sükūneti tavsiye ile meselenin pek samīmi ve iyi bir sūretde halledileceğine kanāʿatini bildiriyor.
Trablus sevkiyāt ve istihkāmātı
Trabus garba birçok ʿaskerin ve mühimmāt-ı harbiyyenin irsāl edileceği gazetelerde yazılmışdı. Amirüliptos gazetesinin istihsāl etdiği maʿlūmāt-ı husūsiyyeye göre bu türlü neşriyāt hep bī-esāsdır. Doğru olan Trablusgarb ve istihkāmātının takviyesidir ki bu İtalya gazetelerinin gürültülerinden mukaddem hükūmet-i ʿosmāniyyece karār-gīr olmuş bir mesele imiş.
Kāriʾīn-i muhteremeyye
Makālemize tecāvüz eden adamın hüviyeti ʿanʿanesiyle anlaşıldı. Kendisine mukābeleyi lüzūmsuz addederiz.
Cerīdemiz hakkında tevālī eden teşvīkāt ve takdīrātın minnet-dārıyız. Yaşasın millet!
Heyʾet-i Hikmet
PDF’si:
10.1.-günlük hikmet – 6 eylül 1327 – 21 eylül efrenci sene 1911-min
LATİN ALFABESİNE AKTARAN:
MUSTAFA ÇAĞLAR & EROL TURUNÇ
Not:Bu metnin seçiminde ve latin alfabesine aktarılmasında emeği geçen değerli hocamız Yard.Doç.Dr. Ahmet KOÇAK’a teşekkür ederiz.
KAYNAKÇA:
10.1.-günlük hikmet – 6 eylül 1327 – 21 eylül efrenci sene 1911