Göŋül nefsiŋe ḥākim oluben eyle ẓafer peydā

Żiyāsı ḳalbi rūşen ḳılmaġa ėt bir ḳamer peydā

Rubʿ-ı meskūnda olan dūde-i şemʿ-i ʿiṣyān

Bir yere gelse ruḫ-ı raḥmete bir ḫāl olmaz

Şeb-i yeldāda uzar fecre ḳadar ḳıṣṣa-ı ʿaşḳ

Tā ki mecnūn bitirir nuṭḳunu Leylā söyler

Debistān-ı edebde iktisāb-ı ʿilm ü ʿirfān ėt

Demiŋ laḳlaḳla ṣarf ėtme teneffüs-gāh-ı ʿālemde

Oldu bāzār-ı cihān revnakı bir dürr-i yetīm

Ki degil iki cihān ḫāṣılı ol dürr-i bahā

Vech-i yāre dūş olan ʿālemde seyrān istemez

Cānını cānāne teslīm eyleyen cān istemez

Bu müsāfir-ḥāneniŋ fānīligin fehm eyleyen

Hāne-i ḳalbinde Ḥaḳḳ’dan ġayrı mihmān istemez

Nola tācım gibi başımda götürsem dāʾim

Ḳademi naḳşını ol ḥażret-i şāh-ı rüsulüŋ

Gül-i gülzār-ı nübüvvet o ḳadem ṣāḥibidir

Aḥmedā ṭurma yüzüŋ sür ḳademine o gülüŋ

Ehl-i ġaflet ẓan ėderki

Yıġdıġım eşyā benim

Bilmez o mağlūb ġaflet

Bir ḳuru ġavġa benim

İnsāna ṣadāḳat yaḳışır görse de ikrāh

Yardımcısıdır ṭoġrularıŋ ḥażret-i Allāh

(Sırasıyla taʿlīḳ, riḳʿa, maṭbūʿ hatlarıyla yazılmış.)

Ey göŋül ėtme ġurūr dünyâ fenādır ʿāḳıbet

Kāmyāb olsan cihānda yine hicrān ʿāḳıbet

Çün fenādır ġam u endīş ėtmege mūcib nedir

Şād u ḥurrem hem ġam u miḥnet yegāndır ʿāḳıbet

Gel tevekkül ġūşesinde ey göŋül ḳıl vaḥdeti

Görelim Allāh nederse pür-keremdir ʿāḳıbet

Ṣal keştī-i umūrı baḥr-ı tevekküle aḳ

Aç bādbān-ı himmeti yan gel de seyre baḳ

LATİN HARFLERİNE AKTARAN:

EROL TURUNÇ & MUSTAFA ÇAĞLAR